«Պաշտպանական և ռազմական քաղաքականությունը պետք է դառնա եվրոպական քաղաքականության առանցքը, եվրոպական նախագծի հիմնաքարերից մեկը»․,- այս մասին հայտարարել է ԵՄ դիվանագիտական ծառայության ղեկավար Ժոզեպ Բորելը՝ ելույթ ունենալով Բրյուսելում կայացած խորհրդաժողովում:
«Պաշտպանությունն՝ ամենաուղիղ իմաստով, ռազմական հնարավորությունների առկայությունը պետք է լինի եվրոպական քաղաքականության սիրտը, հնարավոր է՝ եվրոպական նախագծի հիմնաքարերից մեկը։ Ամերիկյան պաշտպանական հովանոցը, որը պաշտպանում էր Եվրոպան սառը պատերազմի տարիներին, կարող է շուտով փակվել՝ կախված նրանից, թե ով կարող է հայտնվել Սպիտակ տանը: Ուստի, ԵՄ-ը պետք է պաշտպանության մեջ հույսը դնի միայն իր վրա։ ՆԱՏՕ-ի կարևորությունը պահպանվում է, բայց ՆԱՏՕ-ի ներսում պետք է հայտնվի եվրոպական բաղադրիչ», – հայտարարել է Բորելը:
