Ֆրանսիայի արտաքին գործերի նախարարությունը կոչ է արել հայրենակիցներին զերծ մնալ Իրան, Իսրայել և Լիբանան այցելություններից՝ Մերձավոր Արևելքում իրավիճակի սրման սպառնալիքի պատճառով, ասված է X սոցիալական ցանցի ԱԳՆ էջում տեղադրված հաղորդագրության մեջ։
«Մերձավոր Արևելքում ռազմական էսկալացիայի ռիսկի պատճառով Ֆրանսիայի քաղաքացիներին խորհուրդ է տրվում առաջիկա օրերին զերծ մնալ Իրան, Լիբանան, Իսրայել և պաղեստինյան տարածքներ այցելելուց»,- ասվում է հայտարարության մեջ։
Գերատեսչությունը նաև նշել է, որ Թեհրանում գտնվող ֆրանսիացի դիվանագետների ընտանիքները կլքեն երկիրը։ Արգելք է դրվել նաև ֆրանսիացի պաշտոնյաների աշխատանքային այցերի վրա թվարկված երկրներ։
