2006 թվականից մինչև հիմա մեր բուհական համակարգում ուսանողների թիվը կրճատվել է ավելի քան 32 տոկոսով, ասել է Ժաննա Անդրեասյանն ակադեմիական քաղաքի հատակագծի հայեցակարգը ներկայացնելու քննարկման ժամանակ։

Նրա խոսքով՝ սա ստեղծել է մի իրավիճակ, երբ մեր ԲՈՒՀ-երը, մեծապես կախված լինելով ուսման վարձերից, ֆինանսավորման հիմնական աղբյուր են փորձում գտնել կրթության որակի հաշվին․

«Եթե ստիպված ես պահել ուսանողներ ԲՈՒՀ-ի գործառնության անհրաժեշտ աղբյուրները ստանալու համար, պարզ է, որ այստեղ ստիպված ԲՈՒՀ-ում պահում ես ուսանողներ, որոնք այլ պայմաններում գուցե չհասնեին ուսման այդ փուլին և այլ պայմաններում գուցե նաև այլ որոշումնե՞ր կայացվեին»,- ասել է նա։

Նախարարը նշել է, որ բուհական համակարգի արմատական վերանայումն այլընտրանք չունի, և կառավարությունն սկսել է գիտական համակարգի շատ էական ֆինանսավորման ավելացում և մի շարք գործիքակազմեր ներդնել, որով խրախուսում է ավելացնել նաև գիտաշխատողների, հետազոտությամբ զբաղվող մարդկանց թիվը՝ նպաստելով երիտասարդ գիտնականների աճին․

«Սա միայն կառավարության ծրագիրը չի կարող լինել, սա պետք է լինի մեր բոլորի ծրագիրը, որ ունենանք հաջողություն, և դայնաջողություն կունենա, որովհետև մենք այստեղ գալիս ենք ակադեմիական քաղաքից։ Առավոտյան առիթ ունեցանք միասին երկաթուղային կայարանից անցնել այն երկաթուղային գծով, որ այսօր էլ գործում է և երկաթուղու միջոցով անցնել ակադեմիական քաղաքի տարածքը, որը նախատեսված է և որը ցույց է տալիս, որ այն, ինչի մասին խոսում ենք, դրա ճանապարհներն արդեն կան, մեզ մնում է՝ աշխատել, աշխատել, աշխատել, բայց այդ աշխատանքի արդյունքը պետք է լինի մեր բոլորիս պատկերացրած բարձրորակ գիտությունն ու կրթությունը»,- եզրափակել է Անդրեասյանը։