Անկարան չի ցանկանում տարածաշրջանում իրավիճակի հետագա սրացում՝ Իսրայելի դեմ Իրանի պատասխան քայլերից հետո. հայտարարել է Թուրքիայի արտգործնախարար Հաքան Ֆիդանը՝ իր իրանցի գործընկեր Հոսեյն Ամիր Աբդոլլահիանի հետ հեռախոսազրույցում, հայտնել են Թուրքիայի ԱԳՆ դիվանագիտական աղբյուրները։
Թուրք նախարարը կոչ է արել խուսափել քայլերից, որոնք կարող են հանգեցնել լարվածության աճի։
Աբդոլլահիանն, իր հերթին, վստահեցրել է, որ Թեհրանը չի պատրաստվում նոր օպերացիա սկսել, քանի դեռ իր վրա չեն հարձակվել։
Իրանցի դիվանագետը նաև ընդգծել է. «Եթե Իրանի վրա նորից հարձակվեն, է՛լ ավելի հզոր պատասխան կստանան»։
