Տեսնում ենք մեր ավանդական արժեհամակարգը քարկոծելու նպատակ. Գևորգ Պետրոսյան

Մեզ համոզեք, որ դա մեզ պետք է, բացարձակ չեք համոզում, ոչ մի փաստարկ չունեք. եվրոպացի պաշտոնյաներին Ստամբուլյան կոնվենցիայի քննարկման ժամանակ, իր խոսքով, այսպես է դիմել ԲՀԿ պատգամավոր Գեւորգ Պետրոսյանը: Այս մասին նա նշեց՝ հանդիպելով ԱԺ-ի դիմաց բողոքի ակցիայի մասնակիցներին:

«Նրանք ոչ մի համոզիչ փաստարկ չբերեցին, թե ինչու պետք է վավերացնի Հայաստանն այդ կոնվենցիան»,- հավելեց Պետրոսյանը: Նա պատմեց, որ ինքը պատվիրակներին ուղղել է մի շարք հարցեր, որոնց պատասխանել չեն կարողացել: «Մենք նախ հարցրինք՝ ՀՀ-ի օրենսդրության մեջ կա՞ բաց, որը հնարավոր է լրացնել միայն այդ կոնվենցիայի միջոցով: Ոչ մի փաստարկ: Երկրորդ՝ կա՞ որեւէ ենթադրյալ՝ բռնության ենթարկված կին, դիմել է ոստիկանություն կամ դատախազություն, և բռնության փաստն առկա է եղել, բայց քրեական գործի հարուցումը մերժվել է համապատասխան իրավադրույթի բացակայության պատճառով: Եվ ես վստահ եմ, որ նման բան չի եղել, որովհետև ՀՀ գործող քրեական օրենսգիրքը ամբողջությամբ վերցրել է այդ սպեկտրը: Չկա այդպիսի արարք, որ քրեական օրենսգրքով նախատեսված չլինի, որ դրա համար էլ մենք պիտի կոնվենցիա վավերացնենք»,- ասաց նա:

Շարունակությունը՝ armtimes.com