2024-04-22
Գոռ Խաչատրյանը նոկաուտով հաղթել է ադրբեջանցի մրցակցին
Պրոֆեսիոնալ հայ բռնցքամարտիկ Գոռ Խաչատրյանն Ուֆայում ընթացող IBA Champions Night մրցաշարում հաղթել է ադրբեջանցի Սեյմուր Իսաևին:
Առաջին ռաունդում ադրբեջանցին առավելության է հասել Վոլգոգրադը ներկայացնող հայազգի բռնցքամարտիկի նկատմամբ, սակայն երկրորդ ռաունդում Խաչատրյանը նախ նոկդաունի է ենթարկել մրցակցին, իսկ 30 վայրկյան անց նոկաուտով հաղթել է:
Գոռ Խաչատրյանն առայժմ անպարտելի է պրոֆեսիոնալ ռինգում, սա նրա 6-րդ հաղթանակն էր: Ադրբեջանցու համար էլ սա առաջին պարտությունն էր, Իսաևը հաղթել էր նախորդ 12 մենամարտերում:
Նմանատիպ Նյութեր