2023 թվականին ՆԱՏՕ-ին, որի կազմում կա 31 երկիր, բաժին է ընկել 1,341 տրիլիոն դոլար ռազմական ծախսեր, ինչը կազմում է համաշխարհային ծախսերի 55%-ը։
ԱՄՆ-ի պաշտպանական բյուջեն ավելացել է 2,3%–ով՝ հասնելով 916 մլրդ-ի կամ դաշինքի անդամ պետությունների ընդհանուր ռազմական ծախսերի 68%-ի:
Անցյալ տարի ՆԱՏՕ–ի եվրոպական մասնակիցների մեծ մասը նույնպես բարձրացրել են իրենց ռազմական ծախսերը․ ընդհանուր բյուջեում նրանց մասնաբաժինը հասել է 28%-ի, ինչը տասնամյակի ամենաբարձր ցուցանիշն է: Մնացած 4%-ը բաժին է ընկնում Կանադային և Թուրքիային։
Եվրոպական պետությունների շարքում 2022-2023 թվականներին իր ռազմական ծախսերն ամենից շատ ավելացրել է Լեհաստանը՝ 75%-ով՝ հասցնելով 31,6 մլրդ-ի։ Սա աշխարհում 14-րդ ամենամեծ պաշտպանական բյուջեն է։
