Կիրակի ռուսական ուժերը հարձակվել են Խարկով քաղաքի և շրջանի վրա։ Ըստ տեղեկությունների՝ հարվածների հետևանքով մեկ մարդ զոհվել է, 17-ը՝ վիրավորվել։

Վնասվել և ավերվել են բնակելի շենքեր, մեքենաներ, գրասենյակային օբյեկտներ։

Ապրիլի վերջից ռուսական զորքերը գրեթե ամեն օր վերահսկվող օդային ռումբեր են նետում Խարկովի վրա։

Քաղաքապետ Իգոր Տերեխովը հայտնել է, որ գնդակոծության հետևանքով ավերվել է քաղաքի գրեթե ամբողջ էներգետիկ ենթակառուցվածքը։

Ըստ Bloomberg-ի՝ ինտենսիվ հրետակոծությունների միջոցով ռուսական բանակը հույս ունի Խարկովը դարձնել ոչ պիտանի բնակության համար, ինչպես նաև պատրաստվում է գրոհել քաղաքը։