ԱՊՀ երկրների ղեկավարները մայիսի 8-ին կժամանեն Մոսկվա և կմասնակցեն Ռուսաստանի կազմակերպած ընկերական ընթրիքին, ճեպազրույցում հայտարարել է ՌԴ նախագահի օգնական Յուրի Ուշակովը։
Ուշակովն ասել է, որ մայիսի 8-ին Եվրասիական տնտեսական միության (ԵԱՏՄ) գագաթնաժողովից հետո դրա մասնակիցներին՝ Հայաստանի, Բելառուսի, Ղազախստանի, Ղրղզստանի, Ռուսաստանի և Ուզբեկստանի ղեկավարներին, կմիանան Տաջիկստանի և Թուրքմենստանի նախագահները։ «Այս հանդիպմանը, որն արդեն անցկացվում է ԱՊՀ-ի միջոցով, կմասնակցի նաև Կուբայի նախագահը»,- հավելել է ՌԴ նախագահի օգնականը։
Մայիսի 9-ի շքերթից և Մոսկվայում Անհայտ զինվորի գերեզմանին ծաղիկներ դնելուց հետո ԱՊՀ երկրների ղեկավարները կվերադառնան իրենց երկրներ։
