Հաքերները կոտրել են տվյալների բազան, որը պարունակում է Միացյալ Թագավորության (ՄԹ) զինվորականների և պաշտպանության նախարարության աշխատակիցների անձնական տվյալներ։ Այդ մասին հայտնել է Sky News-ը։ Կոտրելու մասին տեղեկությունը հաստատել է նաև BBC News-ը։

Sky News-ը պնդում է, որ հարձակման հետևում կանգնած են Չինաստանի իշխանությունների հետ կապված հաքերները: BBC News-ին հասանելի տեղեկատվության համաձայն՝ հաքերները մուտք են գործել համակարգ, որը պահում է զինվորականների վճարման կտրոնները և բանկային հաշիվների համարները, որոշ դեպքերում նաև տան հասցեները։