Եգիպտոսի արտաքին գործերի նախարարությունը երեքշաբթի օրը դատապարտել է Իսրայելին՝ Ռաֆահ առանցքային սահմանային անցակետի պաղեստինյան կողմը վերահսկողության տակ վերցնելու համար՝ այդ քայլն անվանելով «վտանգավոր էսկալացիա»: Նախարարությունը նշել է, որ դա սպառնում է «ավելի քան մեկ միլիոն պաղեստինցու կյանքին, որոնք հիմնականում կախված են այս անցումից՝ որպես Գազայի հատվածի գլխավոր փրկարար օղակից»:
Իսրայելի բանակն ավելի վաղ հաստատել էր, որ վերահսկողության տակ է վերցրել Գազայի և Եգիպտոսի միջև անցակետի պաղեստինյան կողմը, որը պաշարված անկլավին մարդասիրական օգնության համար կարևոր մուտքի կետ է: Հաստատությունը Գազայի միակ սահմանային անցակետն էր, որը չէր վերահսկվում Իսրայելի կողմից և ծառայում էր որպես Գազա մուտք գործած սահմանափակ մարդասիրական օգնության մեծ մասի մուտքի կետ:
