Այս շարժումներում խնդիրը բովանդակության բացակայությունն է: Այս մասին այսօր Երևանի ավագանու հերթական նիստին իր ելույթում ասաց Սուրեն Գրիգորյանը՝ անդրադառնալով ընդդիմադիրների շարժմանը:
«Բովանդակության բացակայությունը բացառում է որևէ պրոցեսի հաջողություն, որովհետև մարդիկ կարող են մեզնից անվերջ գոհ, անվերջ դժգոհ լինել, բայց մինչև դիրքորոշում չհնչի, դուք որևիցե հաջողելու շանս չունեք, իսկ եթե ձեր իրական դիրքորոշումը հնչեցնեք, նույնպես հաջողելու շանս չունեք: Այսինքն ցուգցվանգային իրավիճակում եք հայտնվել»,- ասաց նա:
Սուրեն Գրիգորյանը նշեց, որ ընդդիմադիրների հիմնական խնդիրը ՔՊ-ի հետ չէ, այլ ՀՀ Սահմանադրության մեջ է:
«Այնքան ցածր եք իջել, որ արդեն փորձում եք մարդկանց զգացմունքների, մարդկանց էմոցիաների, մարդկանց հավատքի հետ խաղալով ձեր քաղաքական դիվիդենտները շահեք, բայց չեք հասկանում, որ մարդիկ հիմար չեն: Մարդիկ զգում են, որ իրենց ստում են, դուք ստում եք, հարգելի գործընկերներ, և քանի դեռ ստում եք, դուք չեք հաջողելու»,- ասաց նա:
