Ռուսաստանը ողջունում է մայիսի 10-11-ն Ղազախստանի Ալմաթի քաղաքում Հայաստանի ու Ադրբեջանի արտաքին գործերի նախարարների բանակցությունները խաղաղության պայմանագրի շուրջ։
Այս մասին News.ru-ին տված հարցազրույցում ասել է Ռուսաստանի արտաքին գործերի նախարարի տեղակալ Միխայիլ Գալուզինը։
«Ողջունում ենք մայիսի 10-ին և 11-ին Ալմաթիում Հայաստանի ու Ադրբեջանի արտաքին գործերի նախարարների բանակցությունները խաղաղության պայմանագրի շուրջ։ Եվս մեկ կարևոր քայլ է արվել Հարավային Կովկասում հուսալի ու երկարաժամկետ խաղաղության հասնելու ուղղությամբ։ Ամբողջությամբ աջակցում ենք Աստանայի ջանքերին այս ուղղությամբ։
Եթե պատմությանը նայենք, Ղազախստանը էական ներդրում է ունեցել 1991 թվականի Ժելեզնովոդսկի հռչակագրի մշակման և ընդունման գործում, որը Լեռնային Ղարաբաղի հակամարտության գոտում ռազմական դիմակայությանը վերջ տալու առաջին լուրջ փորձերից մեկն էր։
Կարևոր է, որ Ալմաթիում շփումները համահունչ 2020-2022 թվականների բարձր մակարդակով եռակողմ պայմանավորվածություններին, որոնք հստակեցրել են Երևանի և Բաքվի միջև հարաբերությունների կարգավորման ճանապարհային քարտեզը»,- ասել է Գալուզինը։
Նրա խոսքով՝ եռակողմ աշխատանքային խումբը ռիթմիկ աշխատանք է տարել, կարողացել է էական արդյունքներ գրանցել։
ՌԴ ԱԳ նախարարի տեղակալի խոսքով՝ 2023 թվականի հունիսին ընդհանուր ըմբռնում է եղել Հայաստանի և Ադրբեջանի միջև երկաթուղային հաղորդակցությունը վերականգնելու հարցի շուրջ՝ հավելելով, որ կողմերը գործնականում համակարգային և հավասարակշռված պայմանավորվածության էին հասել։
Գալուզինն ասել է, որ այդ գործընթացը կանգ է առել, բայց ոչ Ռուսաստանի մեղքով։
Նրա խոսքով՝ Երևանը նաև եռակողմ աշխատանքային խմբի մակարդակում փոխգործակցությունը սառեցնելու որոշում է ընդունել։
Ղազախստանի Ալմաթի քաղաքում մայիսի 10-11-ին տեղի են ունեցել Հայաստանի Հանրապետության ԱԳ նախարար Արարատ Միրզոյանի և Ադրբեջանի Հանրապետության ԱԳ նախարար Ջեյհուն Բայրամովի բանակցությունները։
Նախարարները ողջունել են սահմանազատման հարցում առաջընթացը և այդ ուղղությամբ ձեռք բերված պայմանավորվածությունները:
Նախարարները և նրանց պատվիրակությունները շարունակել են «Հայաստանի և Ադրբեջանի միջև խաղաղության և միջպետական հարաբերությունների հաստատման վերաբերյալ» երկկողմ համաձայնագրի նախագծի շուրջ քննարկումները: Կողմերը պայմանավորվել են շարունակել բանակցությունները բաց հարցերի շուրջ, որտեղ դեռ կան տարաձայնություններ:
Այցի ընթացքում նախարարներն առանձին և եռակողմ ձևաչափով հանդիպել են Ղազախստանի փոխվարչապետ, արտաքին գործերի նախարար Մուրատ Նուրտլեուի հետ։Նախարար Միրզոյանն իր շնորհակալությունն է հայտնել ղազախական կողմին Հայաստանի և Ադրբեջանի միջև բանակցությունները հյուրընկալելու համար:
https://youtu.be/Syv0y-l3SIw
Իրավիճակը բավարար չափով գնահատելու անկարողությունն է պատճառը, որ իշխանությունը չի ընդունում այս օրակարգը: Թիվ 1…
«Եվրոքվեն արդեն հավաքել է 55%-ից ավել,և խնդիր ենք դրել հաջորդ 15 օրվա ընթացքում հավաքել մնացած…
https://youtu.be/UgC2ImLs8a4
Tesla-ի հիմնադիր Իլոն Մասկն այսօր կներկայացնի երկար սպասված ռոբոտաքսին։ Ըստ մտահղացման՝ դա կլինի ամբողջովին ինքնավար…
Tsuchinshan-Atlas անվանումով հսկայական գիսաստղ է մոտենում Երկիր մոլորակին։ Նրան հնարավոր կլինի տեսնել երկու-երեք շաբաթ՝ վաղը…