Առնվազն 450 հազար մարդ, որոնք լքել են Ռաֆահը վերջին շաբաթվա ընթացքում, չունեն ապաստան, ջուր և զուգարաններ, հայտնել է Գազայում ՄԱԿ-ի օգնության գլխավոր գործակալությունը (UNRWA):
UNRWA-ն երեքշաբթի հայտնել է, որ ընտանիքները շարունակում են փախչել Ռաֆահից՝ անվտանգություն փնտրելու համար, փախչում են` ուր պատահի, այդ թվում՝ դեպի փլատակներ և ավազաթմբեր: Զեկույցում ասվում է, որ Ռաֆահից տեղահանված ընտանիքները հանգրվանում են այնպիսի վայրերում, որտեղ չկան կացարաններ, զուգարաններ և ջուր:
