Անցյալ տարվա հունվարին Իրանում Ադրբեջանի դեսպանատան վրա տեղի ունեցած ահաբեկությունից հետո Իրանում երկրի դիվանագիտական ներկայացուցչությունը վերսկսում է իր աշխատանքը։
Արտաքին գործերի նախարարության մամուլի քարտուղար Այխան Հաջիզադեի խոսքով, անցյալ տարվա հունվարին Իրանում Ադրբեջանի դեսպանատան վրա տեղի ունեցած ահաբեկությունից հետո իրանական կողմի հետ բանակցությունների հիմնական ուղղություններից մեկը եղել է դեսպանատանն անվտանգության լիակատար երաշխիք տրամադրելու հարցը։ «Արդյունքում արդեն որոշվել է դեսպանատան նոր վայրը»,- ասել է նա։
Այժմ նախապատրաստական աշխատանքներ են տարվում դեսպանատան նոր նստավայրի համար։
«Անհրաժեշտ աշխատանքների ավարտից հետո նախատեսվում է դեսպանության գործունեությունը վերսկսել նոր վայրում»,- տեղեկացրել է Հաջիզադեն։
