Ուկրաինայի նախագահ Վլադիմիր Զելենսկին օրենք է ստորագրել, որը թույլ է տալիս որոշ կատեգորիաների բանտարկյալների մոբիլիզացնել Ուկրաինայի զինված ուժերի շարքեր, հայտնել է Ուկրաինայի Գերագույն ռադայի պաշտոնական կայքը։
Օրենքի համաձայն՝ ծանր հանցագործությունների, մասնավորապես՝ դիտավորյալ սպանության, բռնաբարության, սեռական բռնության համար դատապարտվածները չեն կարող մոբիլիզացվել։ Նաև նրանք, ովքեր պատիժներ են կրել ազգային անվտանգության դեմ ուղղված հանցագործությունների համար։
Ըստ օրենքի, բանտարկյալների մոբիլիզացիայի, ավելի ճիշտ՝ պայմանական վաղաժամկետ ազատման մեխանիզմի ներդրումը նման կատեգորիաների քաղաքացիների նկատմամբ, միայն դատարանի որոշմամբ է։
Վերջինս նաև ապահովում է հետևյալ պայմանները.
բանտարկյալի կողմից որոշման կամավոր կայացումը,
զորամասի հրամանատարի համաձայնությունը,
բանտարկյալի հոգեկան վիճակի և առողջության համապատասխանությունը Ուկրաինայի զինված ուժերում ծառայության պահանջներին,
երեք տարուց ավելի ազատազրկումը մինչև որոշակի պատժի ավարտը։
Մոբիլիզացվածների այս կատեգորիան ծառայելու է հատուկ ստորաբաժանումներում։ Նման անձանց նկատմամբ վարչական հսկողություն է իրականացնելու այն զորամասի հրամանատարը, որտեղ նրանք կտեղակայվեն։
