Բաքուն վճռականորեն մերժում է Ֆրանսիայի կողմից Ադրբեջանի նկատմամբ արտահայտած կարծիքները, որոնք միանգամայն անընդունելի են, ըստ Azertac-ի` հայտարարել է երկրի ԱԳՆ մամուլի ծառայության ղեկավար Այխան Հաջիզադեն, արձագանքելով Ֆրանսիայի ՆԳ նախարար Ժերալդ Դարմանինի այն արտահայտությանմ, թե՝ Ադրբեջանը բռնապետություն է։
Հաջիզադեի պնդմամբ` անկախության վերականգնումից ի վեր Ադրբեջանը միշտ ձևավորվել և զարգացել է որպես «ժողովրդավարական արժեքներին հավատարիմ» հասարակություն։
«Ադրբեջանը մի երկիր է, որտեղ տարբեր ազգությունների ու դավանանքի մարդիկ ապրում են խաղաղության և անվտանգության մթնոլորտում։ Ֆրանսիական կողմը պետք է ներողություն խնդրի այս հայտարարության համար։ Հակառակ դեպքում դա կհանգեցնի էլ ավելի բացասական հետևանքների ադրբեջանա-ֆրանսիական հարաբերություններում»,- ասել է Հաջիզադեն։
