Եմենի Մոհա քաղաքի ափերի մոտ հրթիռային հարվածի հետևանքով հրդեհ է բռնկվել Պանամայի դրոշով նավթատար նավի վրա, հայտնում է Reuters-ը՝ վկայակոչելով անվտանգության բրիտանական Ambrey ընկերության տարածած տեղեկությունը, փոխանցում է «ՌԻԱ Նովոստի»-ն:
Ռադիոհաղորդակցությունը ցույց է տվել, որ նավը խոցվել է հրթիռով, ինչից հետո նավի վրա հրդեհ է բռնկվել:
Խոցվելուց հետո լցանավն օգնություն է ստացել, իսկ նրա ղեկային ստորաբաժանումներից մեկը շարունակում է գործել:
«Ambrey-ն տեղեկություն է ստացել, որ Պանամայի դրոշով հում նավթ տեղափոխող նավը հարձակման է ենթարկվել Եմենի Մոհայից հարավ-արևմուտք՝ մոտավորապես 10 ծովային մղոն հեռավորության վրա», – հաղորդում է Reuters-ը։
