Մայիսի 21-ին հեռախոսազրույց է տեղի ունեցել արտգործնախարար Ջեյհուն Բայրամովի և Իրանի Իսլամական Հանրապետության արտաքին գործերի նախարարի պաշտոնակատար Ալի Բաղերի Կանիի միջև։
Նախարար Ջեյհուն Բայրամովը ցավակցություն է հայտնել ուղղաթիռի կործանման հետևանքով Իրանի նախագահի, արտաքին գործերի նախարարի և ուղեկցող այլ անձանց մահվան կապակցությամբ։
Նախարարը նշել է, որ հանգուցյալ ԱԳ նախարար Հուսեյն Ամիր Աբդուլլահիանի հետ հաստատվել էին անկեղծ և մասնագիտական կապեր, և հանդիպումները նպաստել են երկու երկրների հարաբերությունների զարգացմանը և այն հարցերի լուծմանը, որոնց շուրջ առկա են տարաձայնություններ։
Հեռախոսազրույցի ընթացքում քննարկվել են սահմանին երկու երկրների ղեկավարների հանդիպման պատմական նշանակությունը, ռազմավարական նախագծերի իրագործումը սկսելու և տրանսպորտի, տնտեսության և էներգետիկայի ոլորտներում ծրագրերի իրականացման ուղղությամբ համատեղ ջանքերը շարունակելու կարևորությունը։
