Եվրամիության մի շարք երկրներ պնդում են սահմանափակող միջոցներ ձեռնարկել Վրաստանի նկատմամբ, ներառյալ ԵՄ-ում նրա քաղաքացիների համար առանց վիզայի ռեժիմի կասեցումը՝ ի պատասխան երկրի խորհրդարանի կողմից «օտարերկրյա ազդեցության թափանցիկության մասին» օրենքի ընդունմանը: Այդ մասին հայտնել է «Financial Times» (FT) թերթը՝ վկայակոչելով քննարկումների ընթացքին տեղյակ պաշտոնյաներին։
«Նիդերլանդները, Չեխիան, Շվեդիան և Էստոնիան հանդես են գալիս հաջորդ շաբաթ կայանալիք ԵՄ ԱԳ նախարարների հանդիպմանը հակավրացական պատժամիջոցներ սահմանելու հնարավորությունը քննարկելու նախաձեռնությամբ»:
Քննարկման համար առաջարկված միջոցների թվում են Վրաստանի քաղաքացիների համար ԵՄ-ում առանց վիզայի ռեժիմի վերացումը, նպատակային պատժամիջոցները և Եվրամիության հիմնադրամների սառեցումը:
Եվրոպական մայրաքաղաքներում դիտարկվում են «Վրաստանի կառավարության վրա ճնշման տարբեր միջոցներ», նշել են պաշտոնյաները:
