Այսօր` մայիսի 23-ին, Իրանի նախագահ Էբրահիմ Ռաիսիի աճյունը տեղափոխվել է նրա հայրենի Մաշհադ քաղաք, որտեղ նրան հուղարկավորել են Իմամ Ռեզայի դամբարանում, հաղորդել է ԻՌՆԱ գործակալությունը:
ԱԳ նախարար Հոսեյն Ամիր Աբդոլլահիանին հուղարկավորել են մայրաքաղաք Թեհրանի Աբդուլ Ազիմ Հասանիի դամբարանում:
Հիշեցնենք՝ Իրանի նախագահական ուղղաթիռը մայիսի 19-ին կոշտ վայրէջք է կատարել Իրանի Արևելյան Ադրբեջան նահանգում, ինչի հետևանքով ուղղաթիռի անձնակազմն ու բոլոր ուղևորները, այդ թվում` երկրի նախագահ Էբրահիմ Ռաիսին ու ԱԳ նախարար Հոսեյն Ամիր Աբդոլլահիանը զոհվել են։
