2024 թվականի մայիսի 24-ին Աշխաբադում տեղի կունենա Անկախ Պետությունների Համագործակցության կառավարությունների ղեկավարների խորհրդի հերթական նիստը։ Օրակարգում ընդգրկված է 12 հարց:
Խորհրդի անդամները կարծիքներ կփոխանակեն Համագործակցությունում տնտեսական փոխգործակցության արդիական թեմաների շուրջ:
Լայն ձևաչափով առաջարկվում է քննարկել էներգետիկայի ոլորտում համագործակցության հայեցակարգի և դրա իրականացման առաջնահերթ միջոցառումների ծրագրի, ինչպես նաև ԱՊՀ մասնակից պետությունների տարածքներով անցնող ենթակառուցվածքի օպտիմալացման և միջազգային տրանսպորտային միջանցքների զարգացման գործողությունների ծրագրի նախագծերը:
