Սպասելիքները շատ մեծ են, և մենք մտնում ենք որոշակիության փուլ, լրագրողների հետ զրույցում ասաց Բագրատ Սրբազանը։
Նա նշեց, որ հանրահավաքի ժամանակ կխոսեն օրակարգի մասին.
«Տարբեր ոլորտներից մարդիկ կլինեն, կխոսեն։ Մեծ, հագեցած օրակարգով հանրահավաք է լինելու։
Ահռելի ներուժ կա մեր կյանքում։ Սա էլ այդ ներուժի հետ ծանոթանալու, համախմբվելու առիթ է։ Ուրախ եմ, որ դրական արձագանքներ շատ կան»։
Հարցին՝ մայիսի 26-ի հանրահավաքին կհայտարարվի՞ վարչապետի թեկնածուի անունը՝ Սրբազանը պատասխանեց.
«Ինչքան էլ դա օրակարգային հարց է, բայց առաջնային չէ»։
Իսկ թե արդյո՞ք կհաջողվի այս իշխանություններին հեռացնել՝ Բագրատ Սրբազանը կարճ պատասխան տվեց. «Միանշանակ»։
