Մայիսին հայտնի դարձավ, որ Ուկրաինայի անվտանգության ծառայությունը բացահայտել է ՌԴ անվտանգության դաշնային ծառայության (ԱԴԾ) գործակալների ցանց, որոնք նախապատրաստում էին ուկրաինացի պաշտոնյաների, մասնավորապես՝ նախագահ Վլադիմիր Զելենսկու, Ուկրաինայի անվտանգության ծառայության (ՈւԱԾ) ղեկավար Վասիլի Մալյուկի և գլխավոր վարչության պետ Կիրիլ Բուդանովի սպանությունը։

Բուդանովին ծրագրել էին սպանել համակարգված հրթիռա-անօդաչու հարձակման ժամանակ: Սակայն մի քանի ամիս շարունակ ՈւԱԾ- ն հետևել է պլանի մշակողներին՝ պետական պահպանության վարչության երկու գնդապետի։ Մահափորձի նախապատրաստման ժամանակ կասկածյալները Կիև են բերել ռեակտիվ նռնականետեր, Mon-90 հակահետևակային ական և մահապարտ անօդաչու թռչող սարքեր: