Վրաստանի մարդու իրավունքների պաշտպանը կոչ է արել խորհրդարանական մեծամասնությանը չհաղթահարել «օտարերկրյա գործակալների» մասին օրենքի վերաբերյալ նախագահի վետոն:
«Մենք կարծում ենք, որ այս օրենքի նպատակը՝ Վրաստանում արտասահմանից ստացվող միջոցների թափանցիկության ավելի բարձր չափանիշ սահմանելը, լեգիտիմ է, սակայն դրան հասնելու համար կարելի է փոփոխություններ կատարել գործող օրենսդրության մեջ»,- ասել է Լևան Իոսելիանին իրավաբանական կոմիտեի նիստում: Նրա խոսքով՝ օրենքն այդ տեսքով ընդունելն արդեն էական վնաս է հասցրել գործընթացին։
