Ռուսաստանի Դաշնության նախագահ Վլադիմիր Պուտինն անդրադարձել է Սաուդյան Արաբիայում Ուկրաինայի հարցով հնարավոր գագաթնաժողովին Ռուսաստանի մասնակցության մասին հարցին։
ՌԴ նախագահի խոսքերը, ըստ «Արմենպրես»-ի, փոխանցել է ՌԻԱ Նովոստի-ն։
«Այս պահին պատասխան չկա, քանի որ չգիտեմ, թե ինչի մասին է խոսքը»,- ասել է Պուտինը՝ պատասխանելով հարցին, թե հնարավո՞ր է, որ Արևմուտքը Սաուդյան Արաբիայում Ուկրաինայի հարցով գագաթնաժողով հրավիրի և Ռուսաստանին հրավիրի այնտեղ։
«Ասում են (խմբ․ նկատի ունի Ուկրաինայի ղեկավարությանը)` մենք պատրաստ չենք հիմա հրավիրել Ռուսաստանին, բայց հետո պատրաստ կլինենք։ Մենք երբեք չենք հրաժարվել բանակցել՝ ոչ հիմա, ոչ ավելի ուշ, ոչ մեկ տարի առաջ»,- ասել է Վլադիմիր Պուտինը։
