Մայիսի 29-ից ուժի մեջ է մտել Նորվեգիա ռուս զբոսաշրջիկների մուտքի արգելքը։ Ռուսաստանցիների համար արգելված են նաև Նորվեգիայի տարածքով տարանցիկ ուղևորությունները եվրոպական այլ երկրներ: Օսլոյում կառավարությունն այս միջոցառման մասին հայտարարել էր անցյալ շաբաթ։
Նորվեգիայի իշխանությունների հաղորդմամբ՝ արգելքը չի տարածվում ուսանողական կամ աշխատանքային վիզա ունեցող ռուսաստանցիների, սահմանամերձ բնակչի վկայական ունեցողների, Շենգենյան գոտու երկրներում կացության իրավունք ունեցողների, ինչպես նաեւ նրանց վրա, ովքեր մեկնում են Նորվեգիա՝ հարազատներին այցելելու:
