Ռուսաստանի պաշտպանության նախարարությունը հայտնել է, որ ուկրաինական ուժերը կրկին փորձել են հարվածներ հացնել Ռուսաստանի տարածքին:
Գերատեսչության տվյալով՝ թիրախում են հայտնվել Բելգորոդի, Վորոնեժի, Տամբովի շրջանները, Կրասնոդարի երկրամասը, Թաթարստանը: Նշվում է, որ ՀՕՊ համակարգը տասնյակ անօդաչուներ է խոցել:
Ռուսական ԶԼՄ-ները գրում են, որ Կրասնոդարի երկրամասում նավթաբազա է բռնկվել: Ուկրաինական կողմն էլ հայտնում է, որ Ռուսաստանի զինված ուժերը հերթական անգամ հարվածել է Խարկովին:
Տուժել են քաղաքացիական օբյեկտներ, խաղաղ բնակչության շրջանում կան զոհեր և տուժածներ: Որոնողափրկարարական աշխատանքներ են տարվում:
