ԱՄՆ պետքարտուղար Էնթոնի Բլինքենը կարծում է, որ ՆԱՏՕ-ն գոյություն կունենա ևս 75 տարի։
Նա սա հայտարարել է Պրահայում դաշինքի արտգործնախարարների ոչ պաշտոնական հանդիպմանը ժամանելուն պես։
«Մենք նշելու ենք մեր դաշինքի 75-ամյակը: Մենք լուծումներ ենք պատրաստելու դաշինքի ապագայի՝ առաջիկա 75 տարիների համար», – ասել է Բլինքենը։
«Մենք մտադիր ենք նախապատրաստել ապագա գագաթնաժողովի բովանդակությունը Վաշինգտոնում, որտեղ դուք կտեսնեք Ուկրաինայի համար մեծ փաթեթ, որը կլինի գագաթնաժողովի հիմնական տարրը»,- ասել է նա։
