«ՆԱՏՕ-ն և Եվրամիությունը Ռուսաստանի հետ առճակատման իրենց ուղեգծով լարվածության աճ են առաջացնում Վրաստանում, ինչպես նաև հայ-ադրբեջանական հարաբերություններում»,- այս մասին հայտարարել է Ռուսաստանի պաշտպանության նախարար Անդրեյ Բելոուսովը։
«Դաշինքի առանձին երկրներ ձգտում են ամրապնդել իրենց դիրքերը Կովկասում՝ դրանով իսկ հասանելիություն ստանալով Կասպից ծովի ռեսուրսներին և ուղիղ ելք դեպի կենտրոնական Ասիա։ Իրավիճակն ապակայունանում է, և Վրաստանում ֆինանսավորվում են բողոքի ակցիաները, որոնցից ակտիվ հակառուսական գործողություններ են իրականացվում։ Հայաստանին և Ադրբեջանին հակասությունների կարգավորման համար առանց առարկության պարտադրվում են միջնորդական ծառայություններ։
Առաջարկվում է խաղաղության պայմանագիր կնքել բացառապես արևմտյան հարթակներում և թելադրանքով։ Հատուկ մտահոգություն են առաջացնում Վաշինգտոնի և Բրյուսելի ծրագրերը՝ անվտանգության և պաշտպանության ամրապնդման պատրվակով մեր հայ գործընկերներին ներգրավել իրենց շահերի տիրույթում», – ասել է Բելոուսովը՝ ելույթ ունենալով Ալմաթիում ՀԱՊԿ պաշտպանության նախարարների խորհրդի նիստում։
