ՆԱՏՕ-ի գլխավոր քարտուղար Յենս Ստոլտենբերգը կարծում է, որ Եվրոպան և ԱՄՆ-ը կշարունակեն օգնություն ցուցաբերել Ուկրաինային նոյեմբերին ԱՄՆ-ում կայանալիք նախագահական ընտրություններից հետո։
«Եվրոպական դաշնակիցները և ԱՄՆ-ը կշարունակեն աջակցել Ուկրաինային, քանի որ դա բխում է մեր անվտանգության շահերից: Կարծում եմ, որ ԱՄՆ-ն նույնը կանի՝ անկախ ընտրությունների արդյունքներից»,- ասել է նա Sky News-ին տված հարցազրույցում։
Ստոլտենբերգը դժգոհել է, որ Սառը պատերազմի ավարտից հետո Արևմուտքը բավարար ուշադրություն չի դարձրել իր ռազմական արդյունաբերության զարգացմանը։
«Ես համաձայն եմ, որ Ռուսաստանը զարգացրեց իր ռազմական արդյունաբերությունը ավելի արագ, քան մենք ակնկալում էինք, և ՆԱՏՕ-ի դաշնակիցներին ավելի երկար ժամանակ է պահանջվել արտադրությունն ավելացնելու համար, քան պետք է»,- ասել է նա: