Ինչ-որ մի խումբ համառորեն գնում է անդունդ, հիմա դուք մեղադրում եք էն մյուս խմբին, որ ասում է մենք էլ էինք տենց մտածում, բայց հիմա հասկանում ենք, որ այդ ճանապարհը անդունդ է տանում, հիմա դուք ասում եք ինչի եք հրաժարվում մեր սրբազան անդունդային ճանապարհից:
Այս մասին այսօր Ազգային ժողովում համատեղ հանձնաժողովների նիստին, պատասխանելով «Հայաստան» խմբակցության պատգամավոր Արծվիկ Մինասյանի հարցին, ասաց Արտաքին գործերի նախարար Արարատ Միրզոյանը:
«Էդա մերը՝ գնանք ցեղասպանվենք, հետո ծնկներիս խփենք ասենք, որ անարդար մարդկությունը ևս մեկ անգամ հանդուրժեց հայոց ցեղասպանությունը, իսկ կարողա նենց անենք, որ չլինի այդ ցեղասպանությունը»,- ասաց նա և նշեց, որ ընդդիմությունը իր տեսլականը չի ներկայացնում:
«Եթե մենք ամեն անգամ վերցնում ենք նույն բառամթերքը, գործելաոճը, գնում հագնում ենք նույն պատին, կարո՞ղ ա մի բան սխալ ենք անում»,- ասաց նա:
Ինչ վերաբերում է դաշնակցության գործունեությանը, ապա նա ասաց.
«Առանձին դրվագներ եղել են, ես չեմ կարող շհիշել այն կարևոր աշխատությունը՝ գրված դաշնակցության շատ հեղինակավոր անդամի կողմից, որի վերնագիրն է՝ «Դաշնակցությունը այլևս անելիք չունի», սա հրաշալի ինքնահայեցման դրսևորում է»,- ասաց նա:
