ԱՄՆ նախագահ Ջո Բայդենը ուղերձ է հղել Կասպից ծովի նավթի և գազի 29-րդ միջազգային ցուցահանդեսի (Caspian Oil & Gas) և Կասպյան էներգետիկայի ու կանաչ էներգիայի 12-րդ միջազգային ցուցահանդեսի բացման արարողությանը՝ անդրադառնալով նաև Ադրբեջանի ու Հայաստանի միջև խաղաղության բանակցություններին․
«Տարածաշրջանում կայունությունը բխում է ԱՄՆ շահերից։ Խաղաղության համաձայնագրի ստորագրումն ամբողջությամբ վերջ կդնի արդեն երկար տարիներ շարունակվող հակամարտությանը և միևնույն ժամանակ կփոխի Ադրբեջանի և Հարավային Կովկասի դերը համաշխարհային մասշտաբով:
Ցանկանում եմ իմ աջակցությունը հայտնել բոլոր այն քայլերին, որոնք կձեռնարկվեն առաջիկա ամիսներին՝ հարաբերությունների հետագա խորացման ուղղությամբ», – ասված է Բայդենի ուղերձում։
