Թուրքիան ցանկանում է միանալ BRICS-ին, այս հարցը կքննարկվի Նիժնի Նովգորոդում միության նախարարների հանդիպման ժամանակ։ Այս մասին հայտարարել է այցով Չինաստանում գտնվող Թուրքիայի արտգործնախարար Հաքան Ֆիդանը։
«Իհարկե, մենք կցանկանայինք դառնալ BRICS-ի անդամ: Տեսնենք, թե ինչի կարող ենք հասնել այս տարի»,- ասել է նախարարը, որի խոսքերն է մեջբերում South China Morning Post-ը (SCMP):
Հրատարակությունը նշում է, որ Ֆիդանը Պեկինում միջոցառման ժամանակ ասել է նաև, որ ակնկալում է մասնակցել Ռուսաստանում BRICS-ի նախարարների հանդիպմանը։
Սպասվում է, որ այս հանդիպման օրակարգային թեմաներից մեկը կլինի ՆԱՏՕ-ի անդամ Թուրքիայի՝ BRICS-ին միանալու հնարավորությունը, գրում է թերթը։
Ռուսաստանը ողջունում է Թուրքիայի հետաքրքրությունը BRICS-ում, այս մասին ասել է Կրեմլի մամուլի քարտուղար Դմիտրի Պեսկովը։
