Մինչև 2029 թվականը Հանրապետությունում 3 մարզադաշտ պիտի կառուցենք, որոնք համապատասխանում են աշխարհի առաջնություն իրականացնելու չափանիշներին: Մեկը պետք է լինի մինչև 35 հազար հանդիսականի հնարավորությամբ, երկուսը՝ 10 հազար հանդիսականի: Այդ մասին Կառավարության՝ հունիսի 6-ի նիստին ասաց վարչապետ Նիկոլ Փաշինյանը:
Վարչապետ Փաշինյանը նշել է, որ 2029թ. աշխարհի երիտասարդական առաջնությունը հյուրընկալելը լավ մոտիվացիա է, որ կենտրոնանան ու աշխատեն այդ ուղղությամբ։ Նա կարևորել է մարզկենտրոններում մեծ մարզադաշտեր ունենալը՝ շեշտելով, որ սպորտին պետք է նայել նաև որպես տնտեսության ճյուղ։
