Վլադիմիր Պուտինը Սանկտ Պետերբուրգի միջազգային տնտեսական ֆորումի շրջանակներում «Լախտա կենտրոնում» պատասխանել է լրագրողների հարցերին։ Նա ընդգծել է, որ Ուկրաինայի հետ պատերազմը, որը շարունակվում է 2022 թվականից, չպետք է վերածվի այնպիսի իրավիճակի, որը կստեղծի միջուկային պատերազմի վտանգ։
«Չգիտես ինչու, արևմտյան երկրները կարծում են, որ Ռուսաստանը երբեք չի օգտագործի դա (միջուկային զենքը): Մենք միջուկային դոկտրին ունենք. եթե որևէ մեկի գործողությունը սպառնում է մեր ինքնիշխանությանը և տարածքային ամբողջականությանը, կարծում ենք, որ հնարավոր է օգտագործել մեր տրամադրության տակ եղած բոլոր միջոցները։ Սրան պետք չէ անլուրջ վերաբերվել»։
Պուտինը «հիմարություն» է որակել այն հռետորաբանությունը, թե Ռուսաստանը հարձակվելու է ՆԱՏՕ-ի վրա․ «Ո՞վ է սա հորինել: Սա կատարյալ անհեթեթություն է, հասկանո՞ւմ եք»։
