Բնակապահովման ծրագրից կօգտվեն ՀՀ քաղաքացիություն ստացած ընտանիքները

ԼՂ-ից բռնի տեղահանված ընտանիքների բնակարանային ապահովման պետական աջակցության ծրագրից կօգտվեն բացառապես այն ընտանիքները, որոնց բոլոր անդամները, այդ թվում՝ անչափահասները, ունեն կամ կստանան ՀՀ քաղաքացիություն։ Նրանց ՀՀ քաղաքացիություն է շնորհվում պարզեցված ընթացակարգով։

Ի՞ՆՉ Է ԱՆՀՐԱԺԵՇՏ

Դիմում-հարցաթերթիկին կից անհրաժեշտ է ներկայացնել՝

1. Ծննդյան վկայական
2. Ժամանակավոր պաշտպանություն ստացած փախստականի վավեր անձնագիր
3. Ամուսնության վկայական և դրա պատճեն
4. Փաստաթուղթ, եթե դիմումատուն սահմանված կարգով կատարել է անձնական տվյալների փոփոխություն
5. Պետական տուրքի վճարման անդորրագիր
6. 35-45մմ չափսի 6 լուսանկար

Քաղաքացիություն հնարավոր է ստանալ դիմելուց 1-2 ամսվա ընթացքում, ինչի մասին անձը կիրազեկվի հաղորդագրության միջոցով, ինչից հետո անհրաժեշտ է կրկին դիմել ՄՔԾ գրասենյակ և ձեռք բերել ՀՀ քաղաքացու անձնագիր (զինապարտ տարիքի արական սեռի քաղաքացիները անձնագիր ստանում են զինվորական հաշվառման կանգնելուց հետո)։

Ո՞ւր պետք է մոտենալ՝

• ԵՐԵՎԱՆ՝ Դավթաշեն, 4-րդ թաղամաս, 17/10 հասցե,
• ՄԱՐԶԵՐ՝ Միգրացիայի և քաղաքացիության ծառայություն՝ նախկին անձնագրային ստորաբաժանումներ