Իսրայելի ընդդիմության առաջնորդ Բենի Գանցը, որը ՀԱՄԱՍ-ի դեմ պատերազմ սկսելուց հետո միացել էր Արտակարգ ռազմական կաբինետին, հայտարարել է կառավարության կազմից դուրս գալու մասին՝ Գազայի հատվածի հետպատերազմյան ապագայի վերաբերյալ վարչապետ Նեթանյահուի հետ ունեցած տարաձայնությունների պատճառով:
Գանցը վարչապետին կոչ է արել հայտարարել նոր համընդհանուր ընտրություն, որում ակնկալվում է, որ ինքը կլինի ֆավորիտներից մեկը։
Նեթանյահուի արձագանքը չի ուշացել. «Բենի, այժմ հրաժարականի ժամանակը չէ, հիմա ուժերը միավորելու ժամանակն է»,- գրել է վարչապետը X-ի իր միկրոբլոգում:
