ԱԺ խորհուրդը մերժել է արտահերթ նիստ գումարելու ընդդիմության միջնորդությունը

ԱԺ խորհուրդը մերժել է ընդդիմադիր երկու խմբակցությունների՝ արտահերթ նիստ հրավիրելու և օրակարգում կառավարության հրաժարականի և նոր կառավարության ձևավորման մասին ԱԺ ուղերձի նախագիծն ընդգրկելու միջնորդությունը։

ԱԺ կանոնակարգ օրենքի համաձայն՝ հունիսի 17-ին, այնուամենայնիվ, կգումարվի արտահերթ նիստ։ Սակայն ԱԺ ՔՊ խմբակցության ղեկավար Հայկ Կոնջորյանը լրագրողներին հայտնել է, թե իրենց խմբակցությունը հունիսի 17-ին նույնպես չի մասնակցելու արտահերթ նիստին, քանի որ իրենք նման օրակարգ չունեն։

Ավելի վաղ ԱԺ նախագահ Ալեն Սիմոնյանն էր հայտարարել, թե ԱԺ խորհուրդը օրակարգում չի ընդգրկի ընդդիմադիրների միջնորդությունը։