Փրկարարները հայտնաբերել են կործանված ինքնաթիռի բեկորներ, որում գտնվել է Մալավիի փոխնախագահ Սաուլոս Չիլիման և ինը հոգի։
Նրանք բոլորը մահացել են, հաղորդում է The Sun-ը՝ վկայակոչելով նախագահի աշխատակազմին։
Ինքնաթիռի բեկորները հայտնաբերվել են ռադարներից անհետանալուց գրեթե մեկ օր անց։
Լրատվամիջոցները հայտնում են, որ օդանավակայանում անհաջող վայրէջքի փորձից հետո արտակարգ վայրէջք է տեղի ունեցել։
«Մալավիի որոնողական համակարգի աշխատակիցները հայտնաբերել են ինքնաթիռի բեկորները, որում գտնվել էր Չիլիման», – ասվում է գործակալության հաղորդագրությունում:
Սաուլոս Չիլիման Մալավիի փոխնախագահն է 2014 թվականի մայիսից։ 2020 թվականին նա վերանշանակվել է այդ պաշտոնում։
Նա զրկվել է իր լիազորություններից 2022 թվականին բրիտանացի մալավացի գործարարի մասնակցությամբ կաշառակերության վերաբերյալ դատավարությունից հետո: Մայիսին դատարանը հանել էր Չիլիմայի դեմ մեղադրանքը։
