Արյան դոնորի համաշխարհային օրվա 20-ամյակի կապակցությամբ հունիսի 14-ին բացօթյա արյունատվության ակցիա կանցկացվի Երևանում:
ՀՀ առողջապահության նախարարությունից հայտնել են, որ ժամը 09:30-15:00-ն ակցիան կիրականացվի Խաչքարերի պուրակում («Հանրապետության հրապարակ» մետրոյի կայարանի հարևանությամբ) և Seasons այգում (Մաշտոցի պողոտա 15/5):
Արյունատվության ամբողջ ընթացքում պրոֆ. Ռ. Հ. Յոլյանի անվան արյունաբանական կենտրոնի բժշկական թիմը կլինի ակցիաների վայրերում:
