Մինչ օրս Ադրբեջանը 40 մլն դոլարի օգնություն է ցուցաբերել Ուկրաինային։
Ադրբեջանի արտգործնախարար Ջեյհուն Բայրամովը Ուկրաինայի վերակառուցման հարցով միջազգային համաժողովում ելույթ ունենալով շեշտել է, որ պատերազմից ի վեր Բաքուն Կիևին 40 միլիոն դոլարի օգնություն է տրամադրել, և հատկացրած գումարն ուղղվել է բացառապես հումանիտար կարիքներին։
Բայրամովը նաև վերահաստատել է Ուկրաինայի ինքնիշխանությանն ու տարածքային ամբողջականությանն Ադրբեջանի աջակցությունը։ Միաժամանակ նշվել է, որ իրականացվում է ուկրաինական հակամարտությունից տուժած երեխաների բժշկական և սոցիալ-հոգեբանական վերականգնման ծրագիր։
Նշվել է, որ Ադրբեջանն աջակցում է Ուկրաինայում ենթակառուցվածքների վերականգնման ծրագրերին, մասնավորապես` Իրպենում արդեն ավարտվել է դպրոցի շենքի վերակառուցումը։
