ՀԱՊԿ-ի պարտավորություններից է եղել ՀՀ տարածքային ամբողջականությունը պաշտպանելը, նա հրաժարվում է կատարել իր պարտականությունները: Այս մասին այսօր Ազգային ժողովում ասաց ՀՀ վարչապետ Նիկոլ Փաշինյանը:
«2022 թվականի նոյեմբերին ՀԱՊԿ-ի Երևանի գագաթնաժողովում հրաժարվել ենք ստորագրել ՀԱՊԿ-ի այն փաստաթղթերը, որոնք չեն համապատասխանել ՀՀ շահերին և սա արել ենք ի կատարումն կառավարության գործունեության ծրագրի, ոչ թե ի հեճուկս, այլ ի կատարումն»,- ասաց վարչապետը:
Վարչապետը նշեց, որ հաջորդ տրամաբանական քայլը լինելու է ՀԱՊԿ-ից դուրս գալը. «Երբ դա տեղի ունենա՝ կորոշենք, հնարավոր է 1 ամիս, հնարավոր է 1 տարի, հնարավոր է 3 տարի»:
