Իշխող «Վրացական երազանք-Ժողովրդավարական Վրաստան» կուսակցության գլխավոր քարտուղար, Թբիլիսիի քաղաքապետ Կախա Կալաձեն հայտարարել է, որ Վրաստանը մի քանի օրից կկատարի Եվրամիության սահմանած բոլոր ինը հանձնարարականները` կազմակերպությանն անդամակցելու նպատակով բանակցություններ սկսելու համար։
«Մեր երկիրն ունի ինը կետից բաղկացած գործողությունների ծրագիր, որն ամբողջությամբ կիրականացվի մի քանի օրից. իհարկե, իշխանությունները կանեն ամեն ինչ, որպեսզի սկսվեն բանակցությունները, մենք առաջ ենք անցել բոլոր երկրներից՝ Ուկրաինայից և Մոլդովայից»,- վրացի լրագրողներին ասել է Կալաձեն։
