«Երկաթուղու հետ կապված աշխատանքները բավական լավ տեմպով են գնում, և հնարավոր է՝ ավելի վաղ սկսենք շահագործել, քան մտածում էինք»,- ասել է ՏԿԵ նախարար Գնել Սանոսյանը՝ անդրադառնալով Լոռու և Տավուշի մարզերում ջրհեղեղի հետևանքներին։
Նրա խոսքով՝ հունիսի 5-ից երկաթուղին աշխատել է մինչև Այրում կայարան, բայց առաջիկա օրերին հնարավոր կլինի այն օգտագործել՝ որոշ սահմանափակումներով։
Սանոսյանը տեղեկացրել է, որ այժմ աշխատում են կամուրջների վերականգնման ուղղությամբ.
«Մենք երկրների հետ աշխատում ենք, ունենք գործուղված գործընկերներ, որ դիտարկում են որոշ կամուրջներ, նաև տեղում առկա հնարավորություններն ենք դիտարկում»։