ՀՀ առողջապահության նախարար Անահիտ Ավանեսյանը տեղեկացրել է, որ Երևան-Սևան մայրուղում գազալցակայանի պայթյունից տուժած քաղաքացիներից մեկի կյանքը փրկել չի հաջողվել, թեև վիրահատական ու այլ միջամտություններ են արվել։
«Մեր մյուս պացիենտի վիճակը ևս դեռ մնում է ծայրահեղ ծանր։ Արվում են բոլոր անհրաժեշտ միջամտությունները։ Մյուս պացիենտների մոտ, որ միջին ծանրության այրվածքներ էին ստացել, դրական դինամիկա կա. նրանք կշարունակեն բուժման ընթացքը, բայց արդեն կարող ենք հանգիստ լինել նրանց համար»,- ասել է նա։
Նրա խոսքով, ծայրահեղ ծանր վիճակում գտնվող քաղաքացիները միջին տարիքի տղամարդիկ են, նրանք ստացել են խորը այրվածքներ։