Ռոստովի մարզի ղեկավար Վասիլի Գոլուբևը հայտարարել է Ազով քաղաքի վրա անօդաչու թռչող սարքի գրոհի մասին, որի հետևանքով բռնկվել են նավթամթերքի ամբարները։ Այս մասին նա գրել է իր Telegram ալիքում:
«Ազովում անօդաչուների գրոհի հետևանքով բռնկվել են նավթամթերքի ամբարները: Ըստ նախնական տվյալների, զոհեր չկան» – հայտնել է Գոլուբևը:
Նահանգապետի խոսքով՝ արտակարգ իրավիճակների նախարարության ստորաբաժանումը կազմակերպել է բաց կրակի մարում։
«Դեպքի վայր է մեկնել Քաղաքացիական պաշտպանության և արտակարգ իրավիճակների մարզային վարչության ղեկավարը»,- հավելել է Գոլուբևը։
