Հնդկաստանը մի փոքր ավելի շատ միջուկային զենք ունի, քան Պակիստանը, սակայն Չինաստանը զգալիորեն առաջ է անցել իր տարածաշրջանային հարևաններից: Այդ տվյալները տրամադրել է Ստոկհոլմի խաղաղության հետազոտական ինստիտուտը (SIPRI):
Ըստ զեկույցի՝ 2024 թվականի հունվարի դրությամբ Հնդկաստանն ուներ 172 միջուկային մարտագլխիկ, իսկ Պակիստանը՝ 170: Չինաստանը 2024 թվականի հունվարին իր զինանոցները 2023 թվականի հունվարի 410 մարտագլխիկից հասցրեց 500-ի, և ակնկալվում է, որ կշարունակի ավելացնել դրանց թիվը:
