Ընթանում են Կիմ Չեն Ըն-Պուտին բանակցությունները

Ռուսաստանի և ԿԺԴՀ-ի ղեկավարներ Վլադիմիր Պուտինը և Կիմ Չեն Ընը Փհենյանում դեմ դիմաց ​​զրույց են վարում Ռուսաստանի ղեկավարի Հյուսիսային Կորեա կատարած այցի շրջանակներում։

Ավելի վաղ «Կիմսուսանի» պետական ​​նստավայրում լայն ձևաչափով երկկողմ բանակցություններ են տեղի ունեցել։ Սա Պուտինի առաջին այցն է ԿԺԴՀ 2000 թվականից ի վեր։

Վաղ առավոտյան ՌԴ առաջնորդն իր հյուսիսկորեացի գործընկերոջ հետ ժամանել է Կիմ Իր Սենի հրապարակ, որտեղ տեղի է ունեցել դիմավորման հանդիսավոր արարողությունը, որից հետո Պուտինն ու Կիմ Չեն Ընը մեկնել են պետական նստավայր։

Ինչպես նշել է ՌԴ նախագահը հանդիպման մեկնարկին, բանակցությունների ընթացքում կստորագրվի «նոր հիմնարար փաստաթուղթ», որը կլինի ՌԴ-ի և ԿԺԴՀ-ի հարաբերությունների հիմքում:

ԿԺԴՀ-ի ղեկավար Կիմ Չեն Ընը նշել է Ռուսաստանի դերը աշխարհում ռազմավարական հավասարակշռության պահպանման գործում և լիակատար աջակցություն հայտնել հատուկ ռազմական գործողություններին։