Ամերիկյան Northrop Grumman ռազմարդյունաբերական ընկերությունը մտադիր է միջին տրամաչափի զինամթերքի արտադրություն սկսել Ուկրաինայում։ Այս մասին հաղորդել է Breaking Defense հրատարակությունը՝ վկայակոչելով ընկերության ներկայացուցիչ Դեյվ Բարթելին։
«Northrop-ի համատեղ արտադրության շուրջ համաձայնագիրը հրապարակայնորեն հաստատված առաջին գործարքն է ԱՄՆ-ի խոշոր պաշտպանական կապալառուի և Ուկրաինայի կառավարության միջև՝ Ուկրաինայի տարածքում արտադրական նախագիծ իրականացնելու համար», – ասվում է հրապարակման մեջ:
Բարթելը Փարիզում կայացած Eurosatory 2024 միջազգային ցուցահանդեսում հայտնել է, որ ապագայում պլանավորվում է նախագծի ընդլայնում՝ տանկային և հրետանային 155 մմ տրամաչափի զինամթերքի արտադրության հաշվին, ինչպես նաև այլ արկերի արտադրություն։ Northrop-ի ներկայացուցիչը ծրագրի մանրամասները չի հայտնել:
Ռազմաքաղաքական հարցերով ԱՄՆ փոխպետքարտուղարի առաջին տեղակալ Սթենլի Բրաունն իր հերթին նշել է, որ Պետքարտուղարության նոր ծրագիրը, որը նախատեսում է 2 միլիարդ դոլարի ներդրում Ուկրաինայի պաշտպանական արդյունաբերական բազայում, կարող է դուռ բացել ամերիկա-ուկրաինական հետագա համատեղ արտադրության համար:
Northrop Grumman-ի կենտրոնակայանը գտնվում է Վիրջինիայի նահանգում: Ընկերությունն աշխարհում երրորդն է պաշտպանական եկամուտով, որը տարեկան կազմում է շուրջ 32,5 միլիարդ դոլար:
Ֆրանսիայի պետական ծառայության, պետական գործունեության պարզեցման և վերափոխման նախարար Գիյոմ Կասբարյանին ճեպազրույցի ժամանակ լրագրողը հարցրել…
Կազանում տեղի են ունեցել Ռուսաստանի և Թուրքիայի նախագահներ Վլադիմիր Պուտինի և Ռեջեփ Թայիփ Էրդողանի բանակցությունները։…
Բելառուսում հաջորդ նախագահական ընտրությունները կկայանան 2025թ. հունվարի 26-ին: Նման որոշում է կայացրել Բելառուսի խորհրդարանի ստորին…
Թուրքիայի նախագահ Ռեջեպ Թայիփ Էրդողանը հոկտեմբերի 23-ին մեկնել է Կազան, որտեղ երկրորդ օրն է՝ ընթանում…
ՀՀ կրթության, գիտության, մշակույթի և սպորտի նախարար Ժաննա Անդրեասյանն ընդունել է Հայաստանի Հանրապետությունում Եգիպտոսի Արաբական…
Ադրբեջանի ներքին գործերի նախարարությունը հայտնում է հոկտեմբերի 22-ին Բաքվի Նասիմիի շրջանում կատարված դաժան սպանության մասին:…